Hemingway Kanala House landetxea Busturialdea eskualdean kokatzen da, Urdaibai arroan eta Oka ibaiaren bokalean bete-betean. Itsasadarrak urak biltzen ditu, eta Mundakako olatura isurtzen, mundu osoan ezker olatu bereziki luzearengatik famatua. Hogei kilometro inguru hauetan, itsasadarra tamaina hartzen doa, liburu batetik aterakoak diruditen paisaiak moldatuz, eta ur gezaz elikatzen ditu migrazioko hegaztien hezegune santutegi ospetsuak, historiaurretik gizakiaren jomuga ere bihurtuak.

Horren adierazle ditugu Santimamiñeko haitzulo famatuak, Bizkaiko arkeologia-aztarnategi garrantzitsuena, 14.000 urte zahar, baita Unescoren gizateriaren ondare ere. Haitzuloko bisonteek, zaldiek, orkatzek, artean ere oparoa den fauna eta florarekin amesten jartzen gaituzte. Ematen du denbora gelditu egin zela paradisuko hondartza txikietan amaitzen diren ibaiek bustitako eskualde menditsu honetan.

Mendien gailurretatik, euskaldunok beti ibili gara erne, eta teknika zaharrak baliatu izan ditugu elkarrekin komunikatzeko, dela ke-seinalez, dela Albokaz (adar batez egindako aire-instrumentua).

Mendi horietatik ikuspegi panoramiko ederrez disfruta dezakegu. Horren adibide ditugu:

Atxarre, Ogoño, Ereño Zahar, Iluntzar eta Katillotxu